Ragaouny - Mahmoud Siam (محمود صيام - رجعوني)

Lyrics

رجعونى اسمع كلام
اصحى اعيش واكل و انام
يحكى قلبى مش لسانى
وعقلي يمسك اللجام

رجعونى العب و اهزر
و أتفهِم من غير ما افسر
ارمى عينى فـ كل زحمه
و افوت مابينها إكمنى أقصر

رجعونى اسمع أغانى
بس اعيش طعم المعاني
ف اسكندرية ارمونى جايز
فيّا الروح تترَد تانى
رجعونى احسب غلط
و احدف اصحابى بظلط
كدبى لمّا يبان ، ابويا
يقول سيبوه امرُه إختلط

رجعونى تحِبوا طَبعى
ضحكتى تغلِب توابعى
و إتسحِب لو ناموا اهلى
و امشى على طراطيف صوابعى

رجعونى اعمل مقالِب
و اعكس الموجب بسالِب
وقت مدرستى امّا ييجى
يشتغل مَكر التعالِب

رجعونى آخُد عيديه
و كل حاجه تكون عاديه
تِمشى ايامى فـ سلام
ماتكونش للحظ معادية

احتمال " ارجع " قليّل
بس هـ اتعب لو فضِلت
رجعونى تانى عيّل
و ابقىٰ عيّل لو زعِلت

رجعونى العب و اهزر
و أتفهِم من غير ما افسر
ارمى عينى فـ كل زحمه
و افوت مابيننها إكمنى أقصر

رجعونى تحِبوا طَبعى
ضحكتى تغلِب توابعى
و إتسحِب لو ناموا اهلى
و امشى على طراطيف صوابع

رجعونى العب و اهزر
و أتفهِم من غير ما افسر
ارمى عينى فـ كل زحمه
و افوت مابيننها إكمنى أقصر

احتمال " ارجع " قليّل
بس هـ اتعب لو فضِلت
رجعونى تانى عيّل
و ابقىٰ عيّل لو زعِلت


يوم و يوم اهي رايحه جايّه
عامله منّى حد تانى
مهما اسيبها ماسكه فيّا
و اقوم تروح موَقعانى

فاتِح عالسريع و راكب
سكتى مش زى حَد
مش بوقَف المراكِب
مهما كان فيه حيطه سَد

ع اللى داير كلُه قاطِع
بس قاطِع وِدنى عادى
لا سايبها مش هـ اقاطِع
هى ماشيه بالتراضى

اى حاجه قالوا صعبه..
دوست فيها عِند فيهُم..
جبت آخر كل لِعبه..
كت كبيره فـ يوم عليهُم..

كلُه حلِو كلُه ماشى
بس ماشى بالاصول
اللى متسربع ماجاشي
و اللى صابِر قام ينول

رغم إنّى خدت دورى
لسه دورى مش عايشنى
فيّا طفِل يا ناس ضرورى
عرفوه انه واحشنى


رجعونى العب و اهزر
و أتفهِم من غير ما افسر
ارمى عينى فـ كل زحمه
و افوت مابيننها إكمنى أقصر

احتمال " ارجع " قليّل
بس هـ اتعب لو فضِلت
رجعونى تانى عيّل
و ابقىٰ عيّل لو زعِلت

Composed & Music Production: Mahmoud Siam
Lyrics : Ibrahim Gad
Guitars, keys & Vocals: Mahmoud Siam
Sound Engineers: Karim Captin Peter Ayman
Mixed by: Mahmoud Siam
Mastered by: Mohamed Safwat
Artist Manager: Ola Saad El Deen
2022